പുത്തനത്താണി: നോര്‍ത്ത്പല്ലാര്‍ വൈരങ്കോട് കമ്മു മുസ്‌ലിയാര്‍ സ്മാരക ഹയര്‍ സെക്കന്‍ഡറി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതി നടപ്പാക്കി. ഓരോ ക്ലാസിലേക്കും ഒരു പത്രം എന്ന വിധത്തിലാണ് പദ്ധതി നടപ്പാക്കിയിരിക്കുന്നത്. ദിവസവും വാര്‍ത്താ വായനയും വിദ്യാ പ്രഭാതത്തെ അടിസ്ഥാനമാക്കി പ്രത്യേക മത്സരവും നടത്തും.
എസ്.എം.എഫ് മലപ്പുറം ജില്ലാ സെക്രട്ടറി കെ.എം കുട്ടി സാഹിബ് സ്‌കൂള്‍ ലീഡര്‍ നുഫൈസിന് പത്രം നല്‍കി ഉദ്ഘാടനം ചെയ്തു. പ്രിന്‍സിപ്പല്‍ മുഹമ്മദ് ഷാഫി മാസ്റ്റര്‍ സ്വാഗതം പറഞ്ഞു. പി.ടി.എ പ്രസിഡന്റ് ഹൈദര്‍ അലി നദ്‌വി അധ്യക്ഷനായി. എടക്കുളം റെയ്ഞ്ച് സെക്രട്ടറി ശിഹാബുദ്ദീന്‍ ഫൈസി, പറപ്പൂര്‍ മുഹമ്മദ്കുട്ടി മുസ്‌ലിയാര്‍, അബ്ദുറഹീം വാഫി സംസാരിച്ചു. ഈ വര്‍ഷത്തെ പത്രം സ്‌പോണ്‍സര്‍ ചെയ്തത് പരപ്പില്‍ ഖമറുദ്ദീന്‍ മാസ്റ്റര്‍, പറപ്പൂര്‍ മുസ്തഫ, കെ.പി അബ്ദുറഹിമാന്‍, പാറയില്‍ ജലീല്‍, മുളക്കല്‍ സുബൈര്‍ എന്നിവരാണ്.