നെടുമ്പാശ്ശേരി:  ഹാജിമാരുമായി സഊദി എയര്‍ലൈന്‍സിന്റെ മൂന്നാമത്തെ ഹജ്ജ് വിമാനവും നെടുമ്പാശ്ശേരിയിലെത്തി. ഇന്നലെ രാത്രി 9.05 ന് എത്തിയ എസ്.വി 5516 നമ്പര്‍ വിമാനത്തില്‍ സംസ്ഥാന ഹജ്ജ് കമ്മിറ്റിയുടെ നേതൃത്വത്തില്‍ തീര്‍ഥാടനത്തിനുപോയ  450 ഹാജിമാരാണ് ഉണ്ടായിരുന്നത്.  
രാത്രി 9.30നാണ് വിമാനം എത്തുന്നതെന്നാണ് നേരത്തേ അറിയിച്ചിരുന്നതെങ്കിലും ഷെഡ്യൂള്‍ ചെയ്തിരുന്ന സമയത്തിനും 25 മിനിറ്റ് മുന്‍പ്  വിമാനം  എത്തി.   മൂന്ന് വിമാനങ്ങളിലായി 1200 ഹാജിമാര്‍ കൂടി ഇന്ന് എത്തും.