കശ്മീര്‍: ജമ്മു കശ്മീരിലെ അഖ്‌നൂരില്‍ പാകിസ്താന്‍ വീണ്ടും വെടിനിര്‍ത്തല്‍ കരാര്‍ ലംഘിച്ചു. അഖ്‌നൂരിലെ പല്ലന്‍വാല സെക്ടറില്‍ പുലര്‍ച്ചെ നാലോടെയാണ് വെടിവയ്പ്പുണ്ടായത്. അതിര്‍ത്തിയിലെ ഇന്ത്യന്‍ പോസ്റ്റുകള്‍ക്കു നേരെ പാക് സൈന്യം വെടിവയ്പ്പ് നടത്തുകയായിരുന്നു.

പാക് അധീന കശ്മീരില്‍ ഇന്ത്യന്‍ സേന മിന്നലാക്രമണം നടത്തിയതിന് ശേഷമാണ് അഖ്‌നൂരില്‍ ബി.എസ്.എഫ് ചെക്‌പോസ്റ്റുകള്‍ക്ക് നേരെയാണ് പാകിസ്താന്‍ വെടിയുതിര്‍ത്തത്. കഴിഞ്ഞ 36 മണിക്കൂറിനുള്ളില്‍ നാലാം തവണയാണ് വെടിനിര്‍ത്തല്‍ കരാര്‍ പാകിസ്താന്‍ ലംഘിക്കുന്നത്. അര മണിക്കൂറിന് ശേഷം ഇന്ത്യന്‍ സേന പ്രത്യാക്രമണം നടത്തി, വെടിവയ്പ്പ് തുടരുകയാണ്. വെടിവയ്പ്പില്‍ ആളപായം റിപ്പോര്‍ട്ട് ചെയ്തിട്ടില്ല.