മാറഞ്ചേരി: പെരുമ്പടപ്പ് ഗ്രാമപഞ്ചായത്തിലെ അഞ്ചാം വാര്‍ഡില്‍ പ്രവര്‍ത്തിക്കുന്ന 63ാം നമ്പര്‍ അങ്കണവാടിയാണ്  പുതിയ കെട്ടിടത്തിലേക്ക് പ്രവര്‍ത്തനം മാറ്റുന്നത്. ഈ വരുന്ന അഞ്ചു മുതല്‍ പുതിയ  കെട്ടിടത്തിലേക്ക് പ്രവര്‍ത്തനം മാറും. കഴിഞ്ഞ 13 വര്‍ഷമായി സ്വകാര്യ വ്യക്തിയുടെ കെട്ടിടത്തില്‍  ആയിരുന്നു അങ്കണവാടി പ്രവര്‍ത്തിച്ചിരുന്നത്  നാട്ടുകാരുടെ സഹകരണത്തോടെ മുന്ന് സെന്റ് സ്ഥലം  വാങ്ങിയതോടെയാണ് നിര്‍മാണ പ്രവൃത്തികള്‍ തുടങ്ങിയത്. 2015-16 വര്‍ഷത്തെ പദ്ധതിയില്‍  പെരുമ്പടപ്പ് ബ്ലോക്ക് അനുവദിച്ച എട്ടര ലക്ഷം രൂപ ചെലവിട്ടാണ് നിര്‍മാണം നടന്നത്. വയറിങ്ങ്  ജോലികള്‍ പൂര്‍ത്തീകരിക്കാന്‍ ബാക്കിയുണ്ടെങ്കിലും എല്ലാം പൂര്‍ത്തീകരിച്ച് അഞ്ചിനു തന്നെ തുറന്ന്  കൊടുക്കുമെന്ന് അധികൃതര്‍ അറിയിച്ചു.