വള്ളിക്കുന്ന്: നാലു ദിവസങ്ങളിലായി വിവിധ ഗ്രൗണ്ടുകളില്‍ നടന്ന പരപ്പനങ്ങാടി സബ് ജില്ലഗയിംസ് മത്സരങ്ങള്‍ സമാപിച്ചു. സീനിയര്‍ ജൂനിയര്‍ സബ് ജൂനിയര്‍ വിഭാഗങ്ങളിലായാണു മത്സരങ്ങള്‍ നടന്നത്. മത്സരത്തില്‍ 78 പോയന്റോടെ സി.ബി.എച്ച്.എസ് സ്‌കൂള്‍ വള്ളിക്കുന്ന് ഒന്നാം സ്ഥാനവും 49 പോയന്റോടെ ജി.എച്ച്.എസ്.എസ് തിരൂരങ്ങാടി രണ്ടാം സ്ഥാനവും ബി.ഇ.എം.എച്ച്.എസ് പരപ്പനങ്ങാടി 44 പോയന്റോടെ മൂന്നാം സ്ഥാനവും കരസ്ഥമാക്കി. ബി.ഇ.എം സ്‌കൂള്‍ ഗ്രൗണ്ട് പരപ്പനങ്ങാടി കാലിക്കറ്റ് യൂനിവേഴ്‌സിറ്റി സ്റ്റേഡിയം ഇ.എം.ഇ.എ ഗ്രൗണ്ട് കൊണ്ടോട്ടി തുടങ്ങിയ സ്ഥലങ്ങളിലാണു മത്സരങ്ങള്‍ നടന്നത്.