വളാഞ്ചേരി: 2016 വാഫി റീജിയണല്‍ഫെസ്റ്റ് പി.ജി വിഭാഗത്തില്‍ വളാഞ്ചേരി മര്‍ക്കസ് വാഫി കോളേജ് 288 പോയിന്റ് നേടി ഓവറോള്‍ കിരീടം നേടി.  210 പോയിന്റുമായി മജ്മഅ് കാവനൂര്‍ രണ്ടാം സ്ഥാനവും 184പോയിന്റോടെ വാഫി കാംപസ് കാളികാവ് മൂന്നാം സ്ഥാനവും നേടി. തൂത ദാറുല്‍ ഉലൂം വിദ്യാര്‍ഥി മുഹമ്മദ് ശാഫി കലാപ്രതിഭയായും വളാഞ്ചേരി മര്‍ക്കസിലെ അല്‍താഫുദ്ദീന്‍ സര്‍ഗപ്രതിഭയായും തിരഞ്ഞെടുക്കപ്പെട്ടു.  
മലപ്പുറം ജില്ലാപഞ്ചായത്ത് പ്രസിഡന്റ് പി ഉണ്ണികൃഷ്ണന്‍ സമ്മാന ദാനം നിര്‍വഹിച്ചു. തൂത ദാറുല്‍ ഉലൂം വാഫി കാംപസില്‍ നടന്ന പരിപാടി സി.ഐ.സി അസിസ്റ്റന്റ് കോ ഓഡിനേറ്റര്‍ ഹബീബുല്ല ഫൈസി തൂത ഉദ്ഘാടനം ചെയ്തു. ബാപ്പുട്ടി മുസ്‌ലിയാര്‍ ആലിപ്പറമ്പ് പ്രാര്‍ഥന നിര്‍വഹിച്ചു. സയ്യിദ് മഹ്ശൂഖ് ഹുദവി കുറുമ്പത്തൂര്‍, അബ്ദുല്‍ ഹലീം വാഫി തൂത, ഡബ്ലു. എസ്.എഫ് സംസ്ഥാന പ്രസിഡന്റ് ഹാരിസ് കാവനൂര്‍, സെക്രട്ടറി ഫഹദ് കണ്ണൂര്‍, മുഹ്‌സിന്‍ ഇരിങ്ങാട്ടിരി സംസാരിച്ചു.
ആറു റീജിയണുകളിലായി നടക്കുന്ന  ഫെസ്റ്റില്‍ വാഫി പിജി വിദ്യാര്‍ഥികള്‍ മാറ്റുരക്കുന്ന റീജ്യണ്‍ എ മത്സരങ്ങളാണ് ഇന്നലെ നടന്നത്. 30 ഇനങ്ങളിലായി നടന്ന മത്സരത്തില്‍ ആറു വാഫികോളേജുകളില്‍ നിന്നുള്ള നൂറോളം പ്രതിഭകള്‍ പങ്കെടുത്തു.
അഞ്ചു റീജിയണലുകളായുള്ള ഊല, ആലിയ തല രണ്ടാംഘട്ട മത്സരങ്ങള്‍ ഒന്‍പതിന് അശ്ശുഹദ മാമ്പ കണ്ണൂര്‍, മജ്മഅ് കാവനൂര്‍, ദാറുസ്സലാം തിരൂര്‍, ഗ്രേസ്‌വാലി കാടാമ്പുഴ, എം.ഐ.സി പുത്തന്‍ചിറ എന്നീ വാഫി കോളജുകളില്‍ നടക്കും. 44 കോളജുകള്‍ പങ്കെടുക്കും.