നീലേശ്വരം: പുതുതലമുറ സാമൂഹ്യസേവകരായി വളരണമെന്നു കലക്ടര്‍ കെ ജീവന്‍ബാബു അഭിപ്രായപ്പെട്ടു. റോട്ടറി ക്ലബിന്റെ നേതൃത്വത്തില്‍ ജില്ലയിലെ ഹയര്‍സെക്കന്‍ഡറി വിദ്യാലയങ്ങളിലെ എന്‍.എസ്.എസിന്റെ സഹായത്തോടെ 'സ്പര്‍ശം' എന്ന പേരില്‍ രൂപീകരിക്കുന്ന പാലിയേറ്റിവ് കെയര്‍ യൂനിറ്റ് ഉദ്ഘാടനം ചെയ്യുകയായിരുന്നു അദ്ദേഹം.
വാട്‌സ് ആപ്പിന്റെയും ഇന്റര്‍നെറ്റിന്റെയും പുറകേ പോകുമ്പോള്‍ കുറച്ചു സമയം സാമൂഹ്യസേവന രംഗത്തു പ്രവര്‍ത്തിക്കാനു നീക്കിവയ്ക്കണമെന്ന് അദ്ദേഹം പറഞ്ഞു.
നീലേശ്വരം റോട്ടറി ക്ലബ് പ്രസിഡന്റ് പി ഷാജിത്ത് അധ്യക്ഷനായി.
ഇനിഷ്യേറ്റീവ് പാലിയേറ്റിവ് സെക്രട്ടറി ബി അജയ്കുമാര്‍, ഡോ.കെ.ജി പൈ, കെ.പി നാരായണന്‍, മുഹമ്മദ്ഷരീഫ്, എം.വി ഭരതന്‍, എ.വി സുരേഷ്ബാബു, ഷിജി മനോജ്, എം.ഇ വിഷ്ണുനമ്പൂതിരി, കെ.കെ മനോജ്കുമാര്‍, എം രാജീവന്‍ സംസാരിച്ചു.