മാനന്തവാടി: കേരള ഗ്രന്ഥശാല സംഘം കുട്ടികളുടെ വായനാശീലം പ്രോത്സാഹിപ്പിക്കുന്നതിന് വേണ്ടി തുടങ്ങിയ 'എന്റെ പുസ്തകം, എന്റെ കുറിപ്പ്, എന്റെ എഴുത്തുപെട്ടി' മാനന്തവാടി ഗവ. യു.പി സ്‌കൂളില്‍ ജുല്‍ന ജുവല്‍ കുറിപ്പ് എഴുത്തുപെട്ടിയില്‍ നിക്ഷേപിച്ച് അനില്‍ കുറ്റിച്ചിറ ഉദ്ഘാടനം ചെയ്തു. കുട്ടികള്‍ വായിക്കുന്ന പുസ്തകത്തിന്റെ കുറിപ്പ് തയാറാക്കി പെട്ടിയില്‍ നിക്ഷേപിച്ചാല്‍ മികച്ച ഒരു കുറിപ്പിന് എല്ലാ മാസവും 100 രൂപയും പുസ്തകങ്ങളും സമാനങ്ങളായി നല്‍കും. മാനത്താവടി പഴശ്ശി ഗ്രന്ഥാലയമാണ് പരിപാടിക്ക് നേതൃത്വം നല്‍കുന്നത്. ഉദ്ഘാടന സമ്മേളനത്തില്‍ ലൈബ്രറി കൗണ്‍സില്‍ താലൂക്ക് സെക്രട്ടറി ആര്‍. അജയകുമാര്‍ പദ്ധതി വിശദീകരിച്ചു. യു.പി സ്‌കൂള്‍ പ്രധാന അധ്യപകന്‍ എം. മുരളീധരന്‍ അധ്യക്ഷനായി. ചടങ്ങില്‍ പഴശ്ശി ഗ്രന്ഥാലയം പ്രസിഡന്റ് ആര്‍. പ്രതീഷ്, ജെ.പി പ്രേംദാസ് സംസാരിച്ചു.