മണ്ണഞ്ചേരി:സമസ്ത ജനറല്‍ സെക്രട്ടറി ശൈഖുന കെ.ആലിക്കുട്ടി ഉസ്താദിന് എസ്.കെ.എസ്.എസ്.എഫ്. മണ്ണഞ്ചേരി മേഖല കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന സ്വീകരണ സമ്മേളനത്തിന്റെ ഭാഗമായി വിവിധ പ്രചാരണങ്ങള്‍ സംഘടിപ്പിക്കും. 25ന് വൈകിട്ട് ഏഴിന് മണ്ണഞ്ചേരി വള്ളക്കടവിലാണ് സമ്മേളനം. സ്വീകരണ സമ്മേളനത്തില്‍ പ്രമുഖ ഖുര്‍ആന്‍ ശാസ്ത്ര പണ്ഡിതന്‍ റഹ്മത്തുള്ള ഖാസിമി മൂത്തേടം മുഖ്യ പ്രഭാഷണം നടത്തും.
സമ്മേളനം പ്രചരണത്തിന്റെ ഭാഗമായി ശാഖാ തലസംഗമങ്ങള്‍, 15ന് പതാകദിനവും23ന് ബൈക്ക് റാലിയും സംഘടിപ്പിക്കും.സ്വാഗത സംഘം ഓഫീസ് ഉദ്ഘാടനം സമസ്ത ജില്ലാ പ്രസിഡന്റ് സി.മുഹമ്മദ് അല്‍ ഖാസിമി നിര്‍വ്വഹിച്ചു. സ്വാഗത സംഘം യോഗത്തില്‍ ചെയര്‍മാന്‍ റ്റി.എച്ച്.ജഅ്ഫര്‍ മൗലവി അധ്യക്ഷനായി. എസ്.എം.എഫ് ജില്ലാ പ്രസിഡന്റ് കുന്നപ്പള്ളി മജീദ് ഉദ്ഘാടനം ചെയ്തു. മുഹമ്മദ് ഹനീഫാ ബാഖവി, മുജീബുറഹ്മാന്‍,ഹസീബ് മുസ്ലിയാര്‍ പരപ്പില്‍,നൗഫല്‍ കൊല്ലശ്ശേരി തുടങ്ങിയവര്‍ സംസാരിച്ചു.