ഷൊര്‍ണൂര്‍: വേമ്പലത്തുപാടം പരിസരപ്രദേശവും പുലി ഭീതിയില്‍. സമീപത്തുള്ള നെല്‍പാടങ്ങളില്‍ പുലിയുടെതെന്ന് കരുതപ്പെടുന്ന കാല്‍പാടുകള്‍ കണ്ടതാണ് പുലിഭീതിയിലാകാന്‍ കാരണം.
നേരത്തെ തന്നെ മൂന്നു കിലോമീറ്റര്‍ ഇപ്പുറത്തുള്ള മാമ്പറ്റപടി പ്രദേശത്തും പുലി ഭീതി ഉണ്ടായിരുന്നു. നാട്ടുകാരുടെ പരാതിയെ തുടര്‍ന്ന് മാമ്പറ്റ പ്രദേശത്ത് രണ്ടു കൂടുകള്‍ സ്ഥാപിച്ചിട്ടുണ്ട്. ഇതിനു പിന്നാലെയാണ് വേമ്പലത്തുപാടത്തും പുലിയുടെ കാല്‍പാടുകള്‍ കണ്ടത്. എന്നാല്‍ വേമ്പലത്തുപാടത്ത് കണ്ട കാല്‍പാടുകള്‍ വനംവകുപ്പ് സ്ഥിരീകരിച്ചിട്ടില്ല.