തളിപ്പറമ്പ്: തളിപ്പറമ്പ്-പയ്യന്നൂര്‍ ദേശീയപാതയില്‍ ചുടല കപ്പണത്തട്ട് വളവില്‍ കാറുകള്‍ കൂട്ടിയിടിച്ച് തീപിടിച്ചു. മൂന്നുപേര്‍ക്ക് പരുക്ക്. ഇന്നലെ രാത്രി ഒന്‍പതോടെയായിരുന്നു അപകടം. കണ്ണാടിപ്പറമ്പ് സ്വദേശി അഷറഫ്, പയ്യന്നൂരിലെ ഇസ്മായില്‍, പാപ്പിനിശേരിയിലെ റഹീസ് എന്നിവരെ പരുക്കുകളോടെ പരിയാരം മെഡിക്കല്‍ കോളജില്‍ പ്രവേശിപ്പിച്ചു. പയ്യന്നൂര്‍ ഭാഗത്തുനിന്നു തളിപ്പറമ്പിലേക്ക് പോകുകയായിരുന്ന കാറും പയ്യന്നൂരിലേക്ക് പോകുകയായിരുന്ന കാറും കൂട്ടിയിടിക്കുകയായിരുന്നു. തളിപ്പറമ്പ് ഭാഗത്തേക്ക് പോകുന്ന കാറിന്റെ അടിഭാഗത്ത് തീപിടിച്ചത് അല്‍പ്പനേരം പരിഭ്രാന്തിപരത്തി. അഗ്നിശമനസേനയെത്തുന്നതിന് മുമ്പ് തന്നെ നാട്ടുകാര്‍ തീയണച്ചു.