ന്യൂഡല്‍ഹി:പാകിസ്താന്‍ ഹിന്ദുസ്ഥാന്‍ ആകുന്നതുവരെ സര്‍ജിക്കല്‍ സ്‌ട്രൈക്ക് പോലുള്ള ആക്രമണങ്ങള്‍ തുടരണമെന്ന് ശിവസേന തലവന്‍ ഉദ്ധവ് താക്കറെ. പാര്‍ട്ടി പ്രവര്‍ത്തകരോടു സംസാരിക്കുകയായിരുന്നു അദ്ദേഹം. സര്‍ജിക്കല്‍ സ്‌ട്രൈക്ക് ഒരു തുടക്കം മാത്രമാണ്. രാജ്യം മുഴുവന്‍ സൈന്യത്തിനൊപ്പമുണ്ട്. പാകിസ്താനെ തകര്‍ക്കാനുള്ള ശക്തി ഇന്ത്യയ്ക്കുണ്ടെന്നും ഉദ്ദവ് പറഞ്ഞു. സൈനിക ഓപ്പറേഷനുകള്‍ രാഷ്ട്രീയ ലാഭത്തിന് വേണ്ടി ഉപയോഗിക്കരുത്. സര്‍ജിക്കല്‍ സ്‌ട്രൈക്ക് നടന്നിട്ടില്ലെന്ന് പറയുന്നവര്‍ ഇന്ത്യ വിട്ടു പോവുകയോ അവരെ പുറത്താക്കുകയോ ചെയ്യണമെന്നും താക്കറെ പറഞ്ഞു.