ഗ്വാളിയര്‍: അസഹിഷ്ണുതയാണ് ഇക്കാലത്തെ ഏറ്റവും വലിയ ശാപമെന്ന് ടാറ്റാ ഗ്രൂപ്പ് ചെയര്‍മാന്‍ രത്തന്‍ ടാറ്റ. സിന്ധ്യ സ്‌കൂളിന്റെ 119ാം സ്ഥാപക ദിനാഘോഷത്തില്‍ സംസാരിക്കുകയായിരുന്നു അദ്ദേഹം.
എവിടെ നിന്നാണ് അസഹിഷ്ണുത വരുന്നതെന്നും എന്താണിതെന്നും എല്ലാവര്‍ക്കും അറിയാം. അസഹിഷ്ണുതയില്ലാത്ത രാജ്യമാണ് എല്ലാവരേയും പോലെ താനും ആഗ്രഹിക്കുന്നതെന്നും അദ്ദേഹം പറഞ്ഞു. നമ്മള്‍ മറ്റുള്ളവരെ കൊല്ലുകയോ ബന്ദികളാക്കുകയോ ചെയ്യരുത്. സഹജീവി സ്‌നേഹത്തിലൂന്നിയ ജീവിതമാണ് നമുക്ക് വേണ്ടതെന്നും അദ്ദേഹം പറഞ്ഞു.