കൊച്ചി: മുത്വലാഖിന്റെ പേരില്‍ ഏകസിവില്‍ കോഡ് നടപ്പാക്കാനുള്ള കേന്ദ്രസര്‍ക്കാര്‍ നീക്കം ചെറുത്തുതോല്‍പിക്കണമെന്ന് മുസ്‌ലിം എംപ്‌ളോയീസ് കള്‍ച്ചറല്‍ അസോസിയേഷന്‍ (മെക്ക) സംസ്ഥാന പ്രസിഡന്റ് എം.അലിയാരുകുട്ടിയും ജനറല്‍ സെക്രട്ടറി എന്‍.കെ. അലിയും പ്രസ്താവനയില്‍ ആവശ്യപ്പെട്ടു.
ഭരണഘടന ഉറപ്പുവരുത്തുന്ന മൗലികാവശകാശങ്ങളും സാംസ്‌കാരിക സ്വാതന്ത്ര്യവും അട്ടിമറിച്ച് നിര്‍ദേശക തത്വങ്ങളെ മഹത്വവത്കരിച്ചുള്ള ബി.ജെ.പി സര്‍ക്കാര്‍ നീക്കം ഭരണഘടനയോടുള്ള വെല്ലുവിളിയും ന്യൂനപക്ഷ വിരുദ്ധ സമീപനവുമാണ്.
ഇസ്്‌ലാമിക ശരീഅത്തിനെ കൗശലപൂര്‍വം അട്ടിമറിക്കാനുതകുന്ന നിയമ കമ്മിഷന്‍ ചോദ്യാവലിക്ക് മറുപടി നല്‍കാതെ ബഹിഷ്‌കരിക്കാനുള്ള പൊതുസമീപനത്തെ പ്രോത്സാഹിപ്പിക്കാനും മെക്ക തീരുമാനിച്ചു.