കറാച്ചി: പാകിസ്താനിലെ കറാച്ചിക്കടുത്ത് ലാന്‍ഡി റെയില്‍വേസ്റ്റേഷനില്‍ ട്രെയിനുകള്‍ കൂട്ടിമുട്ടി 20പേര്‍ മരിച്ചു. 60ഓളം പേര്‍ക്ക് പരുക്കേറ്റു. പലരുടെയും നില ഗുരുതരമാണ്.
മുല്‍ത്താനില്‍ നിന്നു വരുന്ന സകരിയ എക്‌സ്പ്രസ് നിര്‍ത്തിയിട്ട ഫരീദ് എക്‌സ്പ്രസുമായി കൂട്ടിയിടിച്ചാണ് അപകടം. ഇരു ട്രെയിനുകളിലുമായി ആയിരത്തോളം യാത്രക്കാരുണ്ടായിരുന്നു. ട്രാക്കില്‍ ട്രെയിന്‍ നിര്‍ത്തിയത് ഓര്‍ക്കാതെ അബദ്ധത്തില്‍ സകരിയ എക്‌സ്പ്രസിന് അധികൃതര്‍ പച്ചക്കൊടി കാണിക്കുകയായിരുന്നു.