ബഗ്ദാദ്: മൗസില്‍ ലക്ഷ്യമാക്കി ഇറാഖ് സൈന്യം മുന്നേറവെ വിജയം തങ്ങള്‍ക്കൊപ്പം തന്നെയെന്ന് അവകാശപ്പെട്ട് ഐ.എസ് മേധാവിയും സ്വയം പ്രഖ്യാപിത ഖലീഫയുമായ അബൂബക്കര്‍ അല്‍ ബാഗ്ദാദി. പോരാട്ടം തുടരാന്‍ തന്റെ അനുയായികളോട് ആഹ്വാനം ചെയ്യുന്ന ശബ്ദരേഖയാണ് പുറത്തുവന്നത്.
മൗസിലിലെ ചാവേര്‍ പോരാളികള്‍ സര്‍വ്വ ശക്തിയോടു കൂടി ഉയിര്‍ത്തെഴുന്നേല്‍ക്കണം, ശത്രുക്കളെ ഉന്മൂലനം ചെയ്യണംതുടങ്ങിയവയാണ് ബഗ്ദാദിയുടെ സന്ദേശത്തിലുള്ളത്. അബൂബക്കര്‍ അല്‍ ബാഗ്ദാദിയെ ഇറാഖ് സൈന്യം വളഞ്ഞതായി കഴിഞ്ഞ ദിവസം റിപ്പോര്‍ട്ടുണ്ടായിരുന്നു.