ഇരിട്ടി:ദേശീയ റോള്‍ബോള്‍ ചാമ്പ്യന്‍ഷിപ്പിനുള്ള സംസ്ഥാന ടീമിനെ തെരെഞ്ഞെടുക്കുന്നതിന്റെ ഭാഗമായി സംസ്ഥാന ജൂനിയര്‍, സബ്ജൂനിയര്‍ റോള്‍ബോള്‍ ചാമ്പ്യന്‍ഷിപ്പ് ഇന്നും നാളെയും ഇരിട്ടി സി.എം.ഐ സ്‌കൂളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. എല്ലാ ജില്ലകളില്‍ നിന്നുമായി 300ഓളം കുട്ടികള്‍ മത്‌സരത്തില്‍ പങ്കെടുക്കുന്ന പരിപാടി ഇന്ന് രാവിലെ 11ന് ഇരിട്ടി ഡി.വൈ.എസ്.പി പ്രജീഷ് തോട്ടത്തില്‍ ഉദ്ഘാടനം ചെയ്യും. പായം പഞ്ചായത്ത് പ്രസിഡന്റ് എന്‍ അശോകന്‍ അധ്യക്ഷനാകും. ഞായര്‍ നടക്കുന്ന സമാപന സമ്മേളനത്തില്‍ ഇരിട്ടി ബ്ലോക്ക് പഞ്ചായത്ത് പ്രസിഡന്റ് എ.ടി റോസമ്മയുടെ അധ്യക്ഷതയില്‍ അഡ്വ.സണ്ണി ജോസഫ് എം.എല്‍.എ സമ്മാനദാനം നിര്‍വഹിക്കും. ഫാ.ജോസ് തെങ്ങടിയില്‍, അഗസ്റ്റിന്‍ കാഞ്ഞിരത്താം കുന്നേല്‍, ഡോ.ഔസേപ്പച്ചന്‍, ജാന്‍സന്‍ ജോസഫ് പങ്കെടുത്തു.