ആലുവ: ഏക സിവില്‍ കോഡ് നടപ്പാക്കാനുള്ള കേന്ദ്ര സര്‍ക്കാരിന്റെ നീക്കത്തിനെതിരേ ഓള്‍ ഇന്ത്യാ മുസ്‌ലിം ലോ ബോര്‍ഡ് നടത്തുന്ന കാംപയിന്റെ ഭാകമായി സമസ്ത കേരള ജംഇയ്യത്തുല്‍ ഉലമാ കോ ഓഡിനേഷന്‍ കമ്മിറ്റി ആഹ്വാനം ചെയ്ത ഒപ്പ് ശേഖരണം എസ്.കെ.എസ്.എസ്.എഫ് ആലുവ ടൗണ്‍ കമ്മറ്റിയുടെ നേതൃത്വത്തില്‍ ആലുവയില്‍ നടത്തി. ആലുവ സെന്‍ട്രല്‍ ജുമുഅഃ മസ്ജിദ് ചീഫ് ഇമാം അന്‍വര്‍ മുഹിയിദ്ദീന്‍ ഹുദവി ഉദ്ഘാടനം നിര്‍വഹിച്ചു.
മസ്ജിദ് സെക്രട്ടറി ടി. എസ്. മൂസാ ഹാജി, എസ്.കെ.എസ്.എസ്. എഫ്. ജില്ലാ വര്‍ക്കിംങ്  സെക്രട്ടറി കെ.കെ അബ്ദുള്ള ഇസ്ലാമിയ, ആലുവ  ടൗണ്‍ പ്രസിഡന്‍ കെ .എം.ബഷീര്‍ഫൈസി, ജനറല്‍ സെക്രട്ടറി.കെ.കെ .അബ്ദുള്‍ സലാം ഇസ്ലാമിയ, അബ്ബാസ് അന്‍വരി,അബ്ദുല്‍ അലീം , സെയ്തു മുഹമ്മദ് , അബ്ദു  അസീസ്, സാനിഫ് അലി, അനസ് എന്നിവര്‍ സംസാരിച്ചു.  
ജില്ലയിലെ വിവിധ കേന്ദ്രങ്ങളില്‍ നിന്ന് ശേഖരിച്ച ഒപ്പുകള്‍ ആലുവ സെന്‍ട്രല്‍ ജുമുഅഃ മസ്ജിദില്‍ എത്തിക്കേണ്ടതാണെന്ന് നേതാക്കള്‍ അറിയിച്ചു.