പൂച്ചാക്കല്‍:അരൂക്കുറ്റി മണ്ഡലം കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ ഇന്ന് ബഹുജന മാര്‍ച്ച് നടത്തും.അരൂര്‍ അരൂക്കുറ്റി റോഡ് അടിയന്തിരമായി പുനര്‍നിര്‍മ്മിക്കുക,വടുതല ജംഗ്ഷന്‍ മുതല്‍ അരൂര്‍ അമ്പലം വരെയുള്ള റോഡ് സ്ഥലം ഏറ്റെടുത്ത് വീതി കൂട്ടുക,എം.എല്‍.എ.യുടെ വികസന വിരുദ്ധ സമീപനം അവസാനിപ്പിക്കുക എന്നീ ആവശ്യങ്ങള്‍ ഉന്നയിച്ചാണ് സമരം.അരൂക്കുറ്റി കൊമ്പനാമുറിയില്‍ നിന്നും രാവിലെ ഒന്‍പതിന് ആരംഭിക്കുന്ന മാര്‍ച്ച് അരൂര്‍ ക്ഷേത്രം ജംഗ്ഷനില്‍ അവസാനിക്കും.സമാപന സമ്മേളനം മുന്‍ എം.എല്‍.എ ബെന്നിബെഹനാന്‍ ഉദ്ഘാടനം ചെയ്യും.മണ്ഡലം പ്രസിഡണ്ട് ഇ.കെ.കുഞ്ഞപ്പന്‍ അധ്യക്ഷത വഹിക്കും.എം.കെ.അബ്ദുല്‍ഗഫൂര്‍ ഹാജി,ടി.ജി.രഘുനാഥപിള്ള,ദിലീപ് കണ്ണാടന്‍,എം.ആര്‍.രവി തുടങ്ങിയവര്‍ സംസാരിക്കും.