ചേര്‍ത്തല: സഹപ്രവര്‍ത്തകരുടെ പ്രൊവിഡന്റ് ഫണ്ട് അക്കൗണ്ടില്‍ നിന്നടക്കം പണം തട്ടിയെടുത്ത സംഭവത്തില്‍ ജീവനക്കാരി അറസ്റ്റില്‍. മുഹമ്മ ചാലേവെളി ജി വിജയകുമാരിയെ(41) ആണ് മുഹമ്മപോലീസ് അറസ്റ്റുചെയ്തത്.തണ്ണീര്‍മുക്കം സാമൂഹ്യാരോഗ്യ കേന്ദ്രത്തിലെ യു.ഡി.ക്‌സര്‍ക്കായിരുന്നു. സംഭവത്തില്‍ മാസങ്ങള്‍ക്കു മുമ്പുതന്നെ ഇവരെ ജില്ലാ മെഡിക്കല്‍ ഓഫീസര്‍ സര്‍വ്വീസില്‍ നിന്നും സസ്‌പെന്‍ഡുചെയ്തിരുന്നു. തണ്മീര്‍മുക്കം സാമൂഹ്യ ആരോഗ്യകേന്ദ്രത്തില്‍ ജോലിചെയ്യുമ്പോഴാണ് തട്ടിപ്പു പുറത്തുവന്നത്. 8,97000 രൂപയോളം തട്ടിച്ചതായാണ് കണ്ടെത്തിയിരിക്കുന്നത്. ജീവനക്കാരുടെ വ്യാജ അപേക്ഷകള്‍തയ്യാറാക്കി പ്രൊവിഡന്റ് ഫണ്ടില്‍ നിന്നും പണം തട്ടുകയായിരുന്നു. ഫണ്ടില്‍ നിന്നും പണം നഷ്ടപെട്ടവര്‍ പരാതി നല്കിയതിതെുടര്‍ന്നു നടന്ന അന്വേഷണത്തിലാണ് തട്ടിപ്പു പുറത്തുവന്നത്. ആശുപത്രി വികസനഫണ്ടിലടക്കം തിരുമറി നടത്തിയാതായും പരാതികള്‍ ഉയര്‍ന്നിട്ടുണ്ട്. തുറവൂര്‍,മുഹമ്മ,തണ്ണീര്‍മുക്കം ആശുപത്രികളിലാണ് ഇവര്‍ ജോലിചെയ്തത്.