തൊടുപുഴ: വില്‍പനയ്‌ക്കെത്തിച്ച കഞ്ചാവുമായി യുവാക്കള്‍ പിടിയില്‍. ഐരാപുരം മമ്മന്‍പറമ്പില്‍ അജിന്‍സ്(22), മൂവാറ്റുപുഴ മഞ്ഞള്ളൂര്‍ ഓലിക്കല്‍ ഷാരൂഖാന്‍(22), പെരുമ്പള്ളിച്ചിറ കുന്നേല്‍ മഹമ്മദ് സെയ്ദ്(20) എന്നിവരാണ് എക്‌സൈസിന്റെ പിടിയിലായത്.
അജിന്‍സും, ഷാരുഖാനും 30 ഗ്രാം കഞ്ചാവുമായി പെരുമ്പള്ളിച്ചിറയില്‍ നിന്നും മുഹമ്മദ് 20 ഗ്രാം കഞ്ചാവുമായി വെങ്ങല്ലൂരിനു സമീപത്തും നിന്നുമാണ് പിടിയിലായത്. അജിനും ഷാരൂഖാനും കഞ്ചാവ് കടത്താന്‍ ഉപയോഗിച്ച കാറും എക്‌സൈസ് സംഘം പിടിച്ചെടുത്തു.
കോളജ് വിദ്യാര്‍ഥികളെ ലക്ഷ്യമിട്ടാണ് സംഘം കഞ്ചാവ് വില്‍പന നടത്തിവന്നിരുന്നതെന്ന് എക്‌സൈസ് പറഞ്ഞു. തൊടുപുഴ എക്‌സൈസ് റേഞ്ച് ഇന്‍സ്‌പെക്ടര്‍ എ. സെബാസ്റ്റ്യന്‍, ഷാജി ജോസഫ്, അനീഷ്‌കുമാര്‍, സുരേന്ദ്രന്‍, ബിനീഷ്, മാഹിന്‍, എന്നിവരടങ്ങുന്ന സംഘമാണ് പ്രതികളെ പിടികൂടിയത്.