ഗൂഡല്ലൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ ജില്ലാ കേന്ദ്രങ്ങളില്‍ സംഘടിപ്പിക്കുന്ന സംമ്പൂര്‍ണ മുഅല്ലിം സംഗമത്തിന്റെ ഭാഗമായി നീലഗിരി ജില്ലാ മുഅല്ലിം സംഗമം നാളെ ഉച്ചക്ക് രണ്ടിന് ഗൂഡല്ലൂര്‍ ടൗണ്‍ മദ്‌റസയില്‍ ചേരും. ജില്ലാ പ്രസിഡന്റ് എന്‍ ഉമര്‍ ഫൈസി മേഫീല്‍ഡ് അധ്യക്ഷനാകും. സമസ്ത ജില്ലാ പ്രസിഡന്റ് ഒ.കെ ഇമ്പിച്ചിക്കോയ തങ്ങള്‍ ഉദ്ഘാടനം ചെയ്യും. ജംഇയ്യത്തുല്‍ മുഅല്ലിമീന്‍ സംസ്ഥാന ട്രഷറര്‍ എം.എം ഇമ്പിച്ചിക്കോയ മുസ്‌ലിയാര്‍ പദ്ധതികള്‍ വിശദീകരിക്കും. പി.കെ.എം ബാഖവി, എ.എം ശരീഫ് ദാരിമി, കെ.എ അസീസ് മുസ്‌ലിയാര്‍, എം.സി സൈതലവി മൗലവി, കെ.പി അലി മൗലവി, എന്‍.എ ഗഫൂര്‍ റഹ്മാനി, എം മുജീബ് റഹ്മാന്‍ മൗലവി, നൗഷാദ് ലത്വീഫി, സൈതലവി റഹ്മാനി സംസാരിക്കും.