തേഞ്ഞിപ്പലം: കാലിക്കറ്റ് സര്‍വകലാശാല എന്‍ജിനിയറിങ് കോളജ് തെരഞ്ഞെടുപ്പില്‍ എസ്.എഫ്.ഐക്ക് മികച്ച വിജയം. ഒന്‍പത് സീറ്റില്‍ എട്ടും നേടിയാണ് വിജയം നേടിയത്. ഒരു സീറ്റില്‍ യു.ഡി.എസ്.എഫ് വിജയിച്ചു. രണ്ട് യു.യു.സി സീറ്റിലും ജോയിന്റ് സെക്രട്ടറി സ്ഥാനത്തേക്കും എസ്.എഫ്.ഐ എതിരില്ലാതെ തെരഞ്ഞെടുക്കപ്പെട്ടു.
എന്‍. രാഹുല്‍ (ചെയര്‍മാന്‍), ജെ. ജയ്കൃഷ്ണന്‍ (ജന. സെക്രട്ടറി), കെ. ഹരിത, ആര്‍. ശോഭിത് (യൂനിവേഴ്‌സിറ്റി കൗണ്‍സിലര്‍മാര്‍), പി.വി വിസ്മയ (വൈസ് ചെയര്‍പേഴ്‌സന്‍), ടി.സനിയ(ജോ. സെക്രട്ടറി), കെ.എസ് ശ്രീജിത്ത് (ഫൈന്‍ ആര്‍ട്‌സ് സെക്രട്ടറി), ഇ.കെ ജ്യോതിഷ് ബാബു (ജന. ക്യാപ്റ്റന്‍) എന്നിവരാണ് വിജയിച്ച എസ്.എഫ്.ഐ സ്ഥാനാര്‍ഥികള്‍ . യു.ഡി.എസ്.എഫിന്റെ പി.ടി മുഹമ്മദ് അസ്‌ലം സ്റ്റുഡന്റ്‌സ് എഡിറ്റര്‍ സ്ഥാനത്തേക്കാണ് മത്സരിച്ച് വിജയിച്ചത്.