അടിമാലി: സി.ബി.എസ്.ഇ സംസ്ഥാന കലോത്സവം രണ്ടുദിനം പിന്നിട്ടപ്പോള്‍ തൃശൂര്‍ സഹോദയ കുതിപ്പു തുടരുന്നു. 54 ഇനങ്ങളുടെ ഫലങ്ങള്‍ പ്രഖ്യാപിച്ചപ്പോള്‍ 578 പോയിന്റോടെ തൃശൂര്‍ സഹോദയ മുന്നിലെത്തി. 551 പോയിന്റുമായി മലബാര്‍ സഹോദയ രണ്ടാം സ്ഥാനത്തും 541 പോയിന്റുകളുമായി കോട്ടയം സഹോദയ മൂന്നാം സ്ഥാനത്തും മുന്നേറുന്നു. 484 പോയിന്റുകളുമായി സെന്‍ട്രല്‍ കേരളം സഹോദയ എറണാകുളം നാലാം സ്ഥാനത്തും 457 പോയിന്റുകളുമായി പാലക്കാട് സഹോദയ അഞ്ചാം സ്ഥാനത്തുമാണ്. ആതിഥേയ ജില്ലയായ ഇടുക്കി 392 പോയിന്റുമായി പത്താം സ്ഥാനത്താണ്. സ്‌കൂള്‍ തലത്തില്‍ ക്രൈസ്റ്റ് സി.എം.ഐ പബ്‌ളിക് സ്‌കൂള്‍, കാഞ്ഞങ്ങാട് 186 പോയിന്റുകളുമായി മുന്നിലെത്തി. സില്‍വര്‍ ഹില്‍സ് സി.എം.ഐ പബ്‌ളിക് സ്‌കൂളും ഭാരതീയ വിദ്യാഭവന്‍ ചെവ്വായൂരും 136 പോയിന്റ് നേടി രണ്ടാം സ്ഥാനത്ത് ഇഞ്ചോടിഞ്ച് പോരാട്ടം നടത്തുന്നു. 108 പോയിന്റുകളുമായി ദേവമാതാ സി.എം.ഐ പബ്ലിക് സ്‌കൂള്‍ തൃശൂര്‍ മൂന്നാം സ്ഥാനത്തും 106 പോയിന്റുകളുമായി ജ്യോതിസ് സെന്‍ട്രല്‍ സ്‌കൂള്‍ കഴക്കൂട്ടം നാലാം സ്ഥാനത്തും തുടരുന്നു. സരസ്വതി വിദ്യാലയ വട്ടിയൂര്‍ക്കാവ് 101 പോയിന്റുകളുമായി തൊട്ടു പിന്നാലെയുണ്ട്.