കോഴിക്കോട്: കോര്‍പറേഷന്‍ ഓഫിസ് സേവനങ്ങള്‍ അക്ഷയ വഴി ഓണ്‍ലൈന്‍ ആക്കുമെന്ന് കോഴിക്കോട് കോര്‍പറേഷന്‍ മേയര്‍ തോട്ടത്തില്‍ രവീന്ദ്രന്‍. അക്ഷയ ദിനാചരണത്തോടനുബന്ധിച്ച് നടക്കാവ് അക്ഷയ കേന്ദ്രത്തില്‍ നടന്ന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം.
കോര്‍പറേഷന്‍ കൗണ്‍സിലര്‍ പി. കിഷന്‍ചന്ദ് അധ്യക്ഷനായി. കോഴിക്കോട് അക്ഷയ പ്രൊജക്ട് മാനേജര്‍ സുബിനി എസ്. നായര്‍ മുഖ്യാതിഥിയായിരുന്നു.
കൗണ്‍സിലര്‍ അഡ്വ. പി.എം നിയാസ് മുഖ്യപ്രഭാഷണവും, നഗരം വില്ലേജ് ഓഫിസര്‍ ഉമാകാന്ത്, ഒ. ജിഷാ ഗിരീഷ്, ശില്‍പ സംസാരിച്ചു.
അക്ഷയ എന്റര്‍പ്രണര്‍ ഹര്‍ഷന്‍ വെങ്ങാലി സ്വാഗതവും അനുഷ വിശ്വന്‍ നന്ദിയും പറഞ്ഞു.