ആലുവ: സമസ്ത കേരള ജംഇയ്യത്തുല്‍ മുഅല്ലിമീന്‍ പ്രസിദ്ധീകരണങ്ങളായ സന്തുഷ്ട കുടുംബം, കുരുന്നുകള്‍, അല്‍മുഅല്ലിം മാസികകളുടെ ജില്ലാതല പ്രസിദ്ധീകരണ ക്യാംപയിന്റെ ഉദ്ഘാടനം ഇന്ന്.
രാവിലെ 9.00 മണിക്ക് എടത്തല എന്‍.എ.ഡിക്കവല ഹിദായത്തുല്‍ ഇസ്‌ലാം മദ്‌റസയില്‍ ജംഇയ്യത്തുല്‍ മുഅല്ലിമീന്‍ പ്രസിഡന്റ് വി.കെ മുഹമ്മദ് ദാരിമി യുടെ അധ്യക്ഷതയില്‍ നടക്കുന്ന യോഗത്തില്‍ സമസ്ത കേന്ദ്ര മുശാവറ അംഗം ഇ എസ് ഹസ്സന്‍ ഫൈസി ഉദ്ഘാടനം ചെയ്യും.
എസ്.കെ.ജെ.എം സംസ്ഥാന കൗണ്‍സില്‍ അംഗം പി.എ ശിഹാബുദ്ധീന്‍ മുസ്‌ലിയാര്‍ ആലപ്പുഴ വിഷയാവതരണം നടത്തും സയ്യിദ് ശറഫുദ്ധീന്‍ തങ്ങള്‍, ടി.എ ബഷീര്‍, സി.എം അബ്ദുറഹ്മാന്‍ കുട്ടി, സി.കെ സിയാദ്, കെ.എം യൂസഫ് മാസ്റ്റര്‍, അബ്ദുല്‍ ജലീല്‍ ഫൈസി, അഡ്വ സിദ്ധീഖ്, ഷംസുദ്ധീന്‍ സാഹിബ് തുടങ്ങിയവര്‍ പങ്കെടുക്കുമെന്ന് ജില്ല ജനറല്‍ സെക്രട്ടറി കെ.എച്ച് അബ്ദുസ്സമദ് ദാരിമി അറിയിച്ചു.