നന്തി: ലാളിത്യവും വിനയവും കൃത്യനിഷ്ഠയും കൈമുതലാക്കിയ പണ്ഡിതനായിരുന്നു ഐ.ടി അബൂബക്കര്‍ മുസ്‌ലിയാരെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍. അന്തരിച്ച നന്തി ജാമിഅ ദാറുസ്സലാം അല്‍ ഇസ്‌ലാമിയ്യ പ്രൊഫസര്‍ ഐ.ടി അബൂബക്കര്‍ ഖാസിമിയുടെ അനുസ്മരണ-പ്രാര്‍ഥനാ മജ്‌ലിസ് ഉദ്ഘാടനം ചെയ്യുകയായിരുന്നു തങ്ങള്‍. ദാറുസ്സലാം പ്രന്‍സിപ്പല്‍ മൂസക്കുട്ടി ഹസ്രത്ത് കൊളപ്പുറം അധ്യക്ഷനായി. വൈസ് പ്രിന്‍സിപ്പല്‍ ഇ.കെ അബൂബക്കര്‍ മുസ്‌ലിയാര്‍ മൊറയൂര്‍ പ്രാര്‍ഥനയ്ക്ക് നേതൃത്വം നല്‍കി.
എ.വി അബ്ദുറഹ്മാന്‍ മുസ്‌ലിയാര്‍, കെ.ടി അബ്ദുല്‍ ജലീല്‍ ഫൈസി വെളിമുക്ക്, അബ്ദുല്‍ ഗഫൂര്‍ ഹൈതമി നരിപ്പറ്റ, എം.പി തഖിയുദ്ദീന്‍ ഹൈതമി, പി. മാമുകോയ ഹാജി, കെ.വി അബ്ദു ഹാജി പ്രസംഗിച്ചു. പി.കെ ആറ്റക്കോയ തങ്ങള്‍, മാണിക്കോത്ത് മമ്മു ഹാജി ഒഞ്ചിയം, അബു ഹാജി രാമനാട്ടുകര, അഹ്മദ് ഫൈസി കടലൂര്‍, പി.വി മഹ്മൂദ് ഹാജി, കെ.എം കുഞ്ഞമ്മദ് മുസ്‌ലിയാര്‍, പി.എം കോയ മുസ്‌ലിയാര്‍, കെ.പി മമ്മദ്കുട്ടി ഹാജി പങ്കെടുത്തു.