മുക്കം: തിരുവമ്പാടി ആനക്കാംപൊയിലിനടുത്ത് കൊടക്കാട്ടു പാറയില്‍ വന്‍ കഞ്ചാവു വേട്ട. നാലുകിലോ കഞ്ചാവുമായി ആനക്കാംപൊയില്‍ പള്ളിത്താഴെ സ്വദേശി മനു ജോസഫ് (26) പിടിയിലായി. രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇയാള്‍ പിടിയിലായത്. എസ്.ഐ ശംഭുനാഥിന്റെ നേതൃത്വത്തിലുളള സംഘമാണ് മനു ജോസഫിനെ പിടികൂടിയത്. മലയോര മേഖലയില്‍ കഞ്ചാവ് മൊത്ത വില്‍പന നടത്തുന്ന സംഘത്തിലെ പ്രധാന കണ്ണിയാണിയാളെന്ന് എസ്.ഐ പറഞ്ഞു. പ്രതിയെ വടകര നാര്‍ക്കോട്ടിക്‌സെല്‍ കോടതിയില്‍ ഹാജരാക്കി. കാരശ്ശേരി, കൊടിയത്തൂര്‍ മേഖലയില്‍ കഞ്ചാവു മാഫിയക്കെതിരേ പൊലിസും നാട്ടുകാരും ചേര്‍ന്ന് നിരീക്ഷണം ശക്തമാക്കിയതോടെ മാഫിയ പ്രവര്‍ത്തനമേഖല മാറ്റുകയായിരുന്നു.