പനമരം: പനമരം ഹയര്‍സെക്കന്‍ഡറി സ്‌കൂളിന്റെ ശാസ്ത്ര നാടകം ദേശീയതല മത്സരത്തിന് അര്‍ഹത നേടി. കഴിഞ്ഞ 18ന് ബംഗ്ലൂളുവില്‍ വച്ച് നടന്ന ദക്ഷിണേന്ത്യന്‍ ശാസ്ത്രനാടക മത്സരത്തില്‍ ഒന്നാം സ്ഥാനം നേടിയതോടെയാണിത്.
ഇതാദ്യമായാണ് ജില്ല ദക്ഷിണേന്ത്യന്‍ മത്സരത്തില്‍ സംസ്ഥാനത്തെ പ്രതിനിധീകരിക്കുന്നത്. മത്സരത്തില്‍ സ്‌കൂളിലെ യു.കെ വിഷ്ണുവിനെ മികച്ച നടനായി തെരഞ്ഞെടുത്തു. രാജേഷ് കീഴത്തൂരാണ് മികച്ച സംവിധായകന്‍. പ്രൊഫ. വി.പി അബ്ദുല്ലകുട്ടിയാണ് പച്ചയുടെ രചയിതാവ്. പ്രിന്‍സ് ആന്റണി, ഗ്ലോറിയ, ദേവപ്രിയ, വിഷ്ണു, വിനായക്, മുഹമ്മദ് സ്വഫ്‌വാന്‍, ശരണ്യ, അന്‍ഷാന എന്നിവരാണ് അഭിനേതാക്കള്‍.
ഈ വര്‍ഷത്തെ ശാസ്‌ത്രോത്സവത്തോടനുബന്ധിച്ചുള്ള ശാസ്ത്രനാടക മത്സരത്തിലും സംസ്ഥാന തലത്തില്‍ പനമരം സ്‌കൂള്‍ രണ്ടാം സ്ഥാനം നേടിയിരുന്നു.