കോഴിക്കോട്: നല്ലളം തോട്ടങ്ങല്‍ ജുമുഅത്ത് പള്ളി മദ്‌റസാ പരിപാലന കമ്മിറ്റിയും നല്ലളം എ.ആര്‍.ഡി 19 എസ്.കെ.എസ്.എസ്.എഫ് ശാഖയും സംയുക്തമായി മഹല്ലിലെ നിര്‍ധനരായ കുട്ടികള്‍ക്കുള്ള പഠനോപകരണങ്ങളും അന്ധര്‍ക്ക് മൂന്ന് മീറ്റര്‍ അകലെനിന്നു തടസങ്ങള്‍ തിരിച്ചറിയാവുന്ന ഇലക്ട്രോണിക് വൈറ്റ് കെയ്‌നും വിതരണം ചെയ്തു. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് മുബശ്ശിര്‍ ജമലുല്ലൈലി തങ്ങള്‍ വിതരണോദ്ഘാടനം നിര്‍വഹിച്ചു.
മഹല്ല് ഖത്തീബ് എം. മുബശ്ശിര്‍ അസ്‌ലമി രാമനാട്ടുകര അധ്യക്ഷനായി. മഹല്ല് പ്രസിഡന്റ് പി.ടി മുഹമ്മദ് മുസ്തഫ, സെക്രട്ടറി സി. ബീരാന്‍കോയ, മൊയ്തീന്‍ മുസ്‌ലിയാര്‍, കെ. ഹനീഫ അരീക്കാട്, എം.സി സൈതാസ് സംസാരിച്ചു.