മുക്കം: പ്രവാസികള്‍ കേരളത്തിന്റെ സാമ്പത്തിക നട്ടെല്ലാണെന്ന് പാറക്കല്‍ അബ്ദുല്ല എം.എല്‍.എ. മുക്കം മുസ്‌ലിം ഓര്‍ഫനേജ് 60-ാം വാര്‍ഷികത്തോടനുബന്ധിച്ച് നടത്തിയ പ്രവാസിസംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ചടങ്ങില്‍ ഇ.കെ ഹുസൈന്‍ ഹാജി അധ്യക്ഷനായി. ഹുസൈന്‍ യമാനി ആലിന്‍തറ പ്രാര്‍ഥന നടത്തി. മുസ്തഫ മാസ്റ്റര്‍ മുണ്ടുപാറ മുഖ്യപ്രഭാഷണം നടത്തി.
 ജില്ലാ പഞ്ചായത്തംഗം സി.കെ ഖാസിം, ഏബിള്‍ ഇന്റര്‍നാഷനല്‍ ഗ്രൂപ്പ് എം.ഡി സിദ്ദീഖ് പുറായില്‍, ഉസ്മാന്‍ ഹാജി പറമ്പത്ത്, മൂസ ഹാജി അജ്മാന്‍, വി.ഇ മോയിമോന്‍ ഹാജി, വി. അബ്ദുല്ലക്കോയ ഹാജി, വി. മുഹമ്മദ് മോന്‍ ഹാജി, സി. മൂസ മാസ്റ്റര്‍, വി. കുഞ്ഞാലി ഹാജി, കെ.എന്‍.എസ് മൗലവി, എ.എം അഹമ്മദ്കുട്ടി ഹാജി, യു.കെ അബു ഹാജി, കെ.ടി അബ്ദുറഹ്മാന്‍ മാസ്റ്റര്‍, പ്രൊഫ. കെ.കെ മുഹമ്മദ്, കണ്ടിയില്‍ ബീരാന്‍കുട്ടി ഹാജി, ഡോ. അബ്ദുല്‍ ഗഫൂര്‍ സംസാരിച്ചു. എന്‍.കെ കുഞ്ഞിരായിന്‍ ഹാജി സ്വാഗതവും ടി.പി ഉണ്ണിമോയി ഹാജി  നന്ദിയും പറഞ്ഞു.