തളിപ്പറമ്പ്: തമിഴ്‌നാട് കമ്പത്തു നിന്നു വില്‍പനയ്ക്കായി എത്തിച്ച 1.6 കി.ഗ്രാം കഞ്ചാവുമായി യുവാവിനെ എക്‌സൈസ് പിടികൂടി. ഇന്നലെ ഉച്ചയോടെ തളിപ്പറമ്പ് സഹകരണ ആശുപത്രിക്ക് സമീപത്തു വച്ചാണ് പ്ലാസ്റ്റിക് കവറില്‍ പൊതിഞ്ഞ നിലയില്‍ 1.6 കി.ഗ്രാം കഞ്ചാവുമായി കണ്ണൂര്‍ ബര്‍ണശ്ശേരി സ്വദേശി എം രഞ്ജിത്തി(21)നെ പിടികൂടുന്നത്. വന്‍തോതില്‍ മദ്യവും മയക്കുമരുന്നും വിതരണത്തിനെത്തുന്ന ക്രിസ്തുമസ് പുതുവത്സര ആഘോഷസമയങ്ങളില്‍ നടത്തിവരുന്ന സ്‌പെഷല്‍ എന്‍ഫോഴ്‌സ്‌മെന്റ് ഡ്രൈവിന്റെ ഭാഗമായി നടത്തിയ റെയ്ഡിലാണ് ഇവ പിടിച്ചെടുത്തത്. അസി.എക്‌സൈസ് ഇന്‍സ്‌പെക്ടര്‍(ഗ്രേഡ്) പി.പി.ഗോവിന്ദന്‍, പ്രിവന്റീവ് ഓഫിസര്‍ കെ.പി.മധുസൂധനന്‍, സിവില്‍ എക്‌സൈസ് ഓഫിസര്‍മാരായ പി.പി.രജിരാഗ്, ആര്‍.പി.അബ്ദുള്‍ നാസര്‍, പി.വി.വിപിന്‍, ടി.വി.വിനേഷ്, സി.വി.അനില്‍ കുമാര്‍, വനിതാ സെല്‍ എക്‌സൈസ് ഓഫിസര്‍ എം.പി അനു എന്നിവരടങ്ങുന്ന സംഘമാണ് റെയ്ഡു നടത്തിയത്. പ്രതിയെ ഇന്ന് വടകര എന്‍.ഡി.പി.എസ് കോടതിയില്‍ ഹാജരാക്കും.