തിരുവനന്തപുരം: കെ.എസ്.ടി.പിയുടെ രണ്ടാംഘട്ടമായി ഏറ്റെടുത്തു ചെയ്യുന്ന എം.സി. റോഡിലെ ആറാമത്തെ കോറിഡോറായ കഴക്കൂട്ടം-അടൂര്‍ (ബൈപ്പാസ്) റോഡിന്റെ പ്രവൃത്തി ഉടന്‍ ആരംഭിക്കാന്‍ പൊതു മരാമത്തു വകുപ്പു മന്ത്രി ജി. സുധാകരന്‍ നിര്‍ദേശം നല്‍കി. ഇതുമായി ബന്ധപ്പെട്ട് ലോകായുക്ത മുന്‍പാകെയുണ്ടായിരുന്ന കേസിലെ ഇടക്കാല ഉത്തരവിന്‍ പ്രകാരമാണ് മന്ത്രിയുടെ നിര്‍ദേശം. ടെണ്ടറില്‍ പങ്കെടുത്ത ഒരു കമ്പനി സാങ്കേതിക തടസവാദങ്ങള്‍ ഉന്നയിച്ച് സമര്‍പ്പിച്ച കേസിന്റെ ഭാഗമായി പ്രവൃത്തി താല്‍ക്കാലികമായി തടസപ്പെട്ടിരുന്നു. സര്‍ക്കാരിന്റെ വാദങ്ങള്‍ അംഗീകരിച്ച് ലോകായുക്ത സ്റ്റേ ഹരജി തള്ളുകയാണുണ്ടായത്.