ന്യൂഡല്‍ഹി: ഡല്‍ഹിയില്‍ ഉയര്‍ന്ന അന്തരീക്ഷ മലിനീകരണം മൂലമുള്ള പുക നിമിത്തം ഡല്‍ഹി വഴിയിയുള്ള 81 ട്രെയിനുകള്‍ വൈകിയോടുന്നു. മിക്ക സ്‌റ്റേഷനുകളിലും ട്രയിനുകള്‍ പിടിച്ചിട്ടിരിക്കുകയാണ്. 21 ട്രെയിനുകളുടെ സമയം പുന:ക്രമീകരിക്കുകയും മൂന്നെണ്ണം റദ്ദാക്കുകയും ചെയ്തു.

അതുപോലെ ഇന്ദിരാഗാന്ധി അന്തര്‍ദേശീയ വിമാനത്താവളത്തിലെ പ്രവര്‍ത്തനങ്ങളെയും പുക ബാധിച്ചു. എട്ട് അന്തര്‍ദേശീയ വിമാനസര്‍വീസും അഞ്ച് അഭ്യന്തര സര്‍വീസും വൈകുമെന്ന് അധികൃതര്‍ അറിയിച്ചു. കൂടാതെ കാലാവസ്ഥയിലെ മാറ്റം മൂലം മൂന്നു സര്‍വീസുകള്‍ റൂട്ട് തിരിച്ചുവിട്ടതായും അധികൃതര്‍ അറിയിച്ചു.