ന്യൂഡല്‍ഹി: രഞ്ജി ട്രോഫിയില്‍ നിന്നു കേരളം പുറത്തായി. ഗ്രൂപ്പില്‍ നിന്നു ഹൈദരാബാദും ഹരിയാനയുമാണ് ക്വാര്‍ട്ടറിലെത്തിയത്. സര്‍വിസസിനെതിരായ മത്സരം സമനിലയിലെത്തിക്കാന്‍ സാധിച്ചെങ്കിലും കേരളത്തിനു ഇത്തവണയും നോക്കൗട്ട് പ്രതീക്ഷകള്‍ അവസാനിപ്പിക്കേണ്ടി വന്നു. സര്‍വിസസിന്റെ 322നു മറുപടിയായി കേരളം അഞ്ചിനു 518 എന്ന നിലയില്‍ ഡിക്ലയര്‍ ചെയ്തു. ഇരട്ട സെഞ്ച്വറിയുമായി സച്ചിന്‍ ബേബി (250), സെഞ്ച്വറിയുമായി അക്ഷയ് ചന്ദ്രന്‍ (102) എന്നിവര്‍ പുറത്താകാതെ നിന്നു.