തിരുവനന്തപുരം: കെ.എസ്.ആര്‍.ടി.സി ജീവനക്കാര്‍ക്ക് വെള്ളിയാഴ്ച ശമ്പളവും പെന്‍ഷനും നല്‍കുമെന്ന് ഗതാഗത മന്ത്രി എ.കെ ശശീന്ദ്രന്‍ അറിയിച്ചു.

ശമ്പളത്തിന്റെ 75 ശതമാനവും പകുതി പെന്‍ഷനും നാളെ നല്‍കും. ഇതിനായി 27.5 കോടി രൂപ അനുവദിച്ചിട്ടുണ്ട്. കെടിഡിഎഫ്‌സി ട്രഷറി നിക്ഷേപത്തില്‍നിന്ന് പണമെടുത്താണ് പണം നല്‍കുകയെന്നും മന്ത്രി വ്യക്തമാക്കി.

അതേസമയം ശമ്പള മുടക്കത്തില്‍ പ്രതിഷേധിച്ച് സി.ഐ.ടി.യു പണിമുടക്കിലേക്ക് പോവുകയാണ്. വെള്ളിയാഴ്ച പണിമുടക്കിന് നോട്ടീസ് നല്‍കും. ഈ മാസം 21 മുതലാണ് പണിമുടക്ക് നടത്തുകയെന്ന് നേതാക്കള്‍ പറഞ്ഞു