ചാവക്കാട്: ഇരട്ടപ്പുഴയിലെ മഹാത്മ നഗറിന് സമീപം കടലാമ വീണ്ടും കുടുവച്ചു. ഈ സീസണിലെ രണ്ടാമത്തെ കുടാണ് ഇരട്ടപ്പുഴ മഹാത്മ ഫുട്‌ബോള്‍ ഗ്രൗണ്ടില്‍ വെച്ചത്. കൂട്ടില്‍ 150 മുട്ടകളാണുള്ളത്.കടലേറ്റം മൂലം വെള്ളം കയറുന്നിടത്ത് കൂട് വച്ചതിനാല്‍ ഗ്രീന്‍ ഹാബിറ്റാറ്റ് പ്രവര്‍ത്തകരുടെ നേതൃത്വത്തില്‍ സുരക്ഷിത സ്ഥാനത്തേക്ക് കൂടുമാറ്റി സ്ഥാപിച്ചു.രാത്രിയില്‍ നായ,കുറുക്കന്‍ തുടങ്ങിയ ജീവികളില്‍ നിന്നും മുട്ടകളെ കാക്കാന്‍കൂടിന് ചുറ്റും വല സ്ഥാപിച്ചിട്ടുണ്ട്. കടലാമ സംരക്ഷണ പ്രവര്‍ത്തനങ്ങള്‍ക്ക് നേതൃത്വം നല്‍ക്കുന്ന എന്‍.ജെ ജെയിംസിന്റെ നേതൃത്വത്തില്‍ മഹാന്മ കലാസാംസ്‌കാരിക പ്രവര്‍ത്തകരായ എ.എസ് ഫാറൂഖ്, പി. സലാഹുദ്ദീന്‍, ഹാരിസ് എ.എച്ച്, നവാസ് പി.എ, അഫ്‌സല്‍ ടി.എം, റംഷീദ് വി.എം എന്നിവരുടെ നേതൃത്വത്തില്‍ കടപ്പുറത്ത് കാവലേര്‍പ്പെടുത്തിയിട്ടുമുണ്ട്. കടലാമ സംരക്ഷണ പ്രവര്‍ത്തകര്‍ക്ക് പിന്തുണയുമായി കടപ്പുറം പഞ്ചായത്ത് പ്രസിഡന്റ് പി.എം മുജീബും ഇവരുടെ കൂടെയുണ്ട്.