തരുവണ: പുലിക്കാട് മദ്‌റസയില്‍ നബിദിനാഘോഷം നടന്നു കൊണ്ടിരിക്കെ സ്ത്രീകളുടെ ഭാഗത്തുള്ള സഹോദരിയെ കാണാന്‍പോയ 15 വയസ്സുകാരനായ മദ്‌റസ വിദ്യാര്‍ഥിയെ ഒരു സംഘം ആളുകള്‍ സദാചാര പൊലിസ് ചമഞ്ഞ് മര്‍ദിച്ചെന്ന് പരാതി.
സ്വന്തം സഹോദരിയോട് സംസാരിച്ചതിന് സ്ത്രീകളോട് സംസാരിച്ചെന്ന് പേരില്‍ മുഖത്തും തലക്കും പ്രഹരിക്കുകയായിരുന്നു. കുട്ടി ജില്ലാ ആശുപത്രിയില്‍ ചികിത്സ തേടി. വെള്ളമുണ്ട പൊലിസ് കേസെടുത്തു. ചൈല്‍ഡ് ലൈനിലും പരാതി നല്‍കിയിട്ടുണ്ട്. ബാലാവകാശ കമ്മീഷനില്‍ പരാതി നല്‍കാനിരിക്കുകയാണ്. ശക്തമായ നിയമ നടപടികളുമായി മുന്നോട്ട് പോകുമെന്ന് രക്ഷിതാക്കള്‍ പറഞ്ഞു.