HOME
DETAILS

ഡല്‍ഹിയില്‍ പിടിയിലായ വിവാഹ തട്ടിപ്പ് സംഘത്തെ കൊച്ചിയിലെത്തിച്ചു

  
backup
December 20 2016 | 18:12 PM

%e0%b4%a1%e0%b4%b2%e0%b5%8d%e2%80%8d%e0%b4%b9%e0%b4%bf%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%aa%e0%b4%bf%e0%b4%9f%e0%b4%bf%e0%b4%af%e0%b4%bf%e0%b4%b2%e0%b4%be%e0%b4%af-%e0%b4%b5%e0%b4%bf

കൊച്ചി:ഡല്‍ഹിയില്‍ പിടിയിലായ വിവാഹ തട്ടിപ്പ് സംഘത്തെ കൊച്ചിയിലെത്തിച്ചു. കേരളമുള്‍പ്പെടെ വിവിധ സംസ്ഥാനങ്ങളില്‍ നിരവധി പേരെ വിവാഹം ചെയ്ത് വഞ്ചിച്ച കേസിലെ പ്രതികളായ ഇന്‍ഡോര്‍ സ്വദേശി മേഘ ഭാര്‍ഗവ്(28), സഹോദരി പ്രാച്ചി ഭാര്‍ഗവ്, മേഘയുടെ കൂടെ താമസിച്ചിരുന്ന ദേവേന്ദ്ര ശര്‍മ എന്നിവരെയാണ് ഇന്നലെ കൊച്ചി കടവന്ത്ര പൊലിസ് സ്റ്റേഷനില്‍ എത്തിച്ചത്.
വിവാഹ തട്ടിപ്പിനിരയായ ഗുജറാത്ത് സ്വദേശി ലെനിന്‍ ജിതേന്ദറിന്റെ പരാതിയിലാണ് അറസ്റ്റ്. മേഘയാണ് കേസിലെ ഒന്നാം പ്രതി. തട്ടിപ്പ് സംഘത്തിലെ പ്രധാന പ്രതിക്കായി നോയിഡ പൊലിസിന്റെ സഹായത്തോടെ അന്വേഷണം തുടരുമെന്ന് കടവന്ത്ര പൊലിസ് പറഞ്ഞു. സംസാര വൈകല്യമുള്ള ലെനിനെ വിവാഹം ചെയ്യുന്നതിന് പകരമായി 15 ലക്ഷം രൂപയും 25 പവനും വിവാഹ വസ്ത്രവും മേഘയ്ക്ക് നല്‍കിയിരുന്നു.
ഒരു മാസത്തോളം ലെനിനൊപ്പം കഴിഞ്ഞ മേഘയെ സഹോദരി പ്രാചി ഇന്‍ഡോറിലേക്ക് കൊണ്ടുപോയി. എന്നാല്‍ തിരികെ എത്തിയില്ല. ലെനിന്‍ ഇന്‍ഡോറിലെത്തിയെങ്കിലും കൂടെ വരാന്‍ മേഘ തയാറായില്ല.
തുടര്‍ന്നാണ് ഇയാള്‍ പൊലിസില്‍ പരാതി നല്‍കിയത്. ഛത്തീസ്ഗഡ്, ഗുജറാത്ത്, രാജസ്ഥാന്‍, സൂറത്ത് എന്നിവിടങ്ങിലും ഇവര്‍ സമാനതട്ടിപ്പ് നടത്തിയിട്ടുണ്ട്. കടവന്ത്രയിലെ കേസില്‍ അന്വേഷണോദ്യോഗസ്ഥനു മുന്‍പില്‍ ഹാജരാകണമെന്നു ഹൈക്കോടതി നിര്‍ദേശിച്ചിട്ടും പ്രതികള്‍ ഒളിവില്‍ പോവുകയായിരുന്നു.
എസ്.ഐമാരായ എം.കെ സജീവ്, ടി ഷാജി, സീനിയര്‍ സി.പി.ഒ സുനില്‍കുമാര്‍, വനിതാ സി.പി.ഒമാരായ ബിജി, പ്രവീണ എന്നിവരടങ്ങുന്ന പൊലിസ് സംഘം ഉത്തര്‍പ്രദേശിലെ നോയിഡയിലെത്തിയാണ് പ്രതികളെ പിടികൂടിയത്. വിവാഹത്തട്ടിപ്പ്, സാമ്പത്തിക വഞ്ചന എന്നിവയടക്കമുള്ള കുറ്റങ്ങളാണു പ്രതികള്‍ക്കെതിരേ ചുമത്തിയിരിക്കുന്നത്. ഇവരെ റിമാന്‍ഡ് ചെയ്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."