മലപ്പുറം: കേന്ദ്ര യുവജനകാര്യ-കായിക മന്ത്രാലയത്തിന്റെയും നെഹ്‌റു യുവ കേന്ദ്രയുടെയും ആഭിമുഖ്യത്തില്‍ റിപ്പബ്ലിക് ദിനാഘോഷത്തിന്റെ ഭാഗമായി സംഘടിപ്പിച്ച ജില്ലാതല പ്രസംഗ മത്സരത്തില്‍ പുലാമന്തോള്‍ സ്വദേശി പി.പി അഹമ്മദ് അബൂതാഹിര്‍ ഒന്നാംസ്ഥാനവും സംസ്ഥാനതല മത്സരത്തില്‍ പങ്കെടുക്കാനുള്ള യോഗ്യതയും നേടി.
കൊണ്ടോട്ടി തുറക്കല്‍ വിന്നേഴ്‌സ് ക്ലബിലെ എം. അജ്മല്‍ ബാബു രണ്ടാംസ്ഥാനവും പരപ്പനങ്ങാടി ഉള്ളണം സ്വദേശി എ. മുഹമ്മദ് നിഷാന്‍ മൂന്നാം സ്ഥാനവും കരസ്ഥമാക്കി. ജില്ലാ കലക്ടര്‍ അമിത് മീണ വിജയികള്‍ക്കു സമ്മാനങ്ങളും സര്‍ട്ടിഫിക്കറ്റുകളും വിതരണം ചെയ്തു. വിജയികള്‍ക്ക് യഥാക്രമം 5,000, 2,000, 1,000 രൂപയും സര്‍ട്ടിഫിക്കറ്റും ട്രോഫികളുമാണ് സമ്മാനിച്ചത്. ജില്ലാ യൂത്ത് കോഡിനേറ്റര്‍ കെ. കുഞ്ഞഹമ്മദ് അധ്യക്ഷനായി. കോഴിക്കോട് സര്‍വകലാശാല ഹിന്ദി വിഭാഗം മുന്‍ മേധാവി ഡോ. ആര്‍. സുരേന്ദ്രന്‍, പെരിന്തല്‍മണ്ണ ഗവ. കോളജ് കോമേഴ്‌സ് വിഭാഗം മേധാവി യു. ശ്രീവിദ്യ, മലപ്പുറം കേന്ദ്രീയ വിദ്യാലയത്തിലെ കെ. സുഷമ, പി. അസ്മാബി സംസാരിച്ചു.