കൊല്ലം: കേന്ദ്രഗ്രാമവികസന മന്ത്രാലയവും സംസ്ഥാന സര്‍ക്കാരും കുടുംബശ്രീ മിഷനും സംയുക്തമായി സംഘടിപ്പിക്കുന്ന തൊഴില്‍മേള 26ന് കുണ്ടറ സെന്റ് ആന്റണീസ് എച്ച്.എസ്.എസില്‍ നടക്കും. ഡി.ഡി.യു.ജി.കെ.വൈ പദ്ധതി പ്രകാരം സെന്റ് ആന്റണീസ് എച്ച്.എസ്.എസ് അലുംനി അസോസിയേഷന്‍ വിദ്യാദീപവുമായി ചേര്‍ന്നാണ് തൊഴില്‍മേള സംഘടിപ്പിക്കുന്നത്. സംസ്ഥാനത്തിന് അകത്തും പുറത്തുമുമുള്ള 25 ഓളം കമ്പനികള്‍ മേളയില്‍ പങ്കെടുക്കും. കൊല്ലം, പത്തനംതിട്ട, ആലപ്പുഴ, തിരുവനന്തപുരം ജില്ലകളില്‍ ഡി.ഡി.യു.ജി.കെ.വൈ പദ്ധതി പ്രകാരം പരിശീലനം പൂര്‍ത്തീകരിച്ചവര്‍ക്കും മറ്റുള്ളവര്‍ക്കും മേളയില്‍ പങ്കെടുക്കാം. രാവിലെ ഒന്‍പതിന് സൗജന്യ രജിസ്‌ട്രേഷന്‍ ആരംഭിക്കും.