മണലൂര്‍: പ്രദേശത്ത് സമൂഹ്യവിരുദ്ധരുടെ അഴിഞ്ഞാട്ടം വ്യാപകമാകുന്നു. ടി.വി ചാനലുകള്‍ വിതരണം ചെയ്യുന്ന ഫൈബര്‍ കേബിളുകള്‍ മുറിച്ചിട്ടു.
മണലൂര്‍ പഞ്ചായത്തിലെ പാലാഴി കണ്ണംപറമ്പില്‍ ക്ഷേത്ര തോടിനു സമീപം കടന്നു പോകുന്ന കേബിളുകളാണ് ഇന്നലെ രാത്രി 8.30 നോടടുത്ത് മുറിച്ചിട്ടത്.
കാരമുക്കിലെ വേള്‍ഡ് കേബിള്‍ നററ് വര്‍ക്കിന്റെ ഫൈബര്‍ കേബിളുകളാണ് മുറിച്ചിട്ടത്. പത്തോളം കഷ്ണങ്ങളായാണ് മുറിച്ചിട്ടത്. കേബിള്‍ വിച്ഛേദിക്കപ്പെട്ട പരാതിയില്‍ പരിശോധന നടത്തിയപ്പോഴാണ് മുറിച്ചട്ടത് ശ്രദ്ധയില്‍പ്പെട്ടത്.
അയ്യായിരം രൂപയുടെ നഷ്ടമാണ് ഇത് വഴി ഉണ്ടായതായതെന്ന് കേബിള്‍ ഓപ്പറേറ്റര്‍ വി.എസ് ഷാജു പറഞ്ഞു.
ഈ പ്രദേശത്ത് മദ്യപസംഘത്തിന്റെ അഴിഞ്ഞാട്ടം സ്ഥിരമാണ്. രാത്രിയുടെ മറവിലാണ് സാമൂഹ്യ വിരുദ്ധ പ്രവര്‍ത്തനങ്ങള്‍ ഏറെയും നടക്കുന്നത്.
കേബിള്‍ മുറിച്ചിട്ട സാമൂഹ്യ വിരുദ്ധര്‍ക്കെതിരേ നടപടി ആവിശ്യപ്പെട്ട് നെറ്റ് വര്‍ക്ക് ഓപ്പറേറ്റര്‍ വി.എസ് ഷാജു അന്തിക്കാട് പൊലിസില്‍ പരാതി നല്‍കി.
രണ്ട് ദിവസം മുമ്പ് ചാത്തം കുളങ്ങര ക്ഷേത്രത്തിന് സമീപം സ്ഥാപിച്ച എ.ഐ.ടി.യു.സിയുടെ സ്തൂപം സാമൂഹ്യ വിരുദ്ധര്‍ തല്ലിതകര്‍ത്തിരുന്നു.