കുന്നുംകൈ: മാങ്ങോട് ശുദ്ധജലത്തിനായി പണിത ചെക്ക് ഡാം കം ബ്രിഡ്ജിന്റെ ഷട്ടര്‍ അടച്ചതു സമീപവാസികള്‍ക്കു ദുരിതമാകുന്നു. ബ്രിഡ്ജിന്റെ സമീപത്തായി താമസിക്കുന്ന മൂന്നോളം വീട്ടുകാരാണു ദുരിതം പേറുന്നത്. വീടിന്റെ അരികില്‍ വരെ വെള്ളം എത്തി നില്‍ക്കുന്നതിനാല്‍ കാര്‍ഷിക വിളകളും നശിക്കുകയാണ് .
ഷട്ടറിന്റെ മുകള്‍ഭാഗം തുറന്നിടാത്തതാണു വെള്ളം വരാന്‍ കാരണമെന്നു വീട്ടുകാര്‍ പറയുന്നു. പല തവണ അധികൃതരുടെ ശ്രദ്ധയില്‍പെടുത്തിയിട്ടും പ്രയോജമുണ്ടായില്ലെന്നും പിഞ്ചു കുഞ്ഞുങ്ങള്‍ ഉള്‍പ്പെടെയുള്ളവര്‍ വീടിനു പുറത്തു പോകാന്‍ കഴിയാത്ത അവസ്ഥയിലാണെന്നും വീട്ടുകാര്‍ പറയുന്നു. ഷട്ടറിന്റെ മുകള്‍ ഭാഗം തുറന്നു വെള്ളം ഒഴുക്കി വിട്ടു തങ്ങളുടെ ആശങ്ക പരിഹരിക്കണമെന്നാണു സമീപവാസികളുടെ ടെ ആവശ്യം.