കണ്ണൂര്‍: ലീഡര്‍ കെ കരുണാകരന്‍ ഭരണാധികാരികള്‍ക്ക് മാതൃകയും രാഷ്ടീയ പ്രവര്‍ത്തകര്‍ക്ക് പാഠപുസ്തകവുമാണെന്ന് ഡി.സി.സി പ്രസിഡന്റ് സതീശന്‍ പാച്ചേനി. ഡി.സി.സി ഓഫിസില്‍ കെ കരുണാകരന്റെ ആറാം ചരമ വാര്‍ഷിക ദിനത്തോടനുബന്ധിച്ച് നടന്ന പുഷ്പാര്‍ച്ചനക്ക് നേതൃത്വം നല്‍കി സംസാരിക്കുകയായിരുന്നു അദ്ദേഹം. കേരളത്തിന്റെ വികസനത്തിന് ദീര്‍ഘ വീക്ഷണത്തോടെ പ്രവര്‍ത്തിച്ച ലീഡറുടെ സ്മരണ രാജ്യത്തിനും കോണ്‍ഗ്രസ് പ്രവര്‍ത്തകര്‍ക്കും എന്നും ആവേശമാണെന്നും പാച്ചേനി പറഞ്ഞു..സുമാ ബാലകൃഷ്ണന്‍, വി.എ നാരായണന്‍, സജീവ് മാറോളി, വി.വി പുരുഷോത്തമന്‍, എ.പി അബ്ദുല്ലക്കുട്ടി, മാര്‍ട്ടിന്‍ ജോര്‍ജ്, രാജീവന്‍ എളയാവൂര്‍, കെ ബാലകൃഷ്ണന്‍, എം.പി വേലായുധന്‍, സുരേഷ് ബാബു എളയാവൂര്‍, പൊന്നമ്പേത്ത് ശ്രീധരന്‍, അജിത്ത് മാട്ടൂല്‍, അഡ്വ. റഷീദ് കവ്വായി, സി.വി സന്തോഷ്, രജനി രമാനന്ദ്, റിജില്‍ മാക്കുറ്റി, എം.സി ശ്രീജ, സി.ടി ഗിരിജ, മീറാ വല്‍സന്‍, എം ഉഷ, ഇന്ദിര ചാന്ദ്പാഷ, ടി.കെ പവിത്രന്‍ പങ്കെടുത്തു.