മകളുടെ വിവാഹ നിശ്ചയവുമായി ബന്ധപ്പെട്ട് ഡോക്ടര്‍ കുടുംബം മൂവാറ്റുപുഴയില്‍ പോയ സമയത്തായിരുന്നു മോഷണം
കൊടുങ്ങല്ലൂര്‍: കൊടുങ്ങല്ലൂരിലെ പ്രമുഖ ഡോക്ടര്‍ ദമ്പതികളുടെ വീട്ടില്‍ മോഷണം. മോഡേണ്‍ ആസ്പത്രിയിലെ ഡോക്ടര്‍മാരായ ജോസ് ഊക്കന്റെയും, ടെസ്സിയുടെയും ശൃംഗപുരത്തുള്ള വീട്ടില്‍ ശനിയാഴ്ച രാത്രി 11 മണിയോടെയാണ് മോഷണശ്രമം. ഡ്രൈവര്‍ സൂക്ഷിച്ചിരുന്ന അയ്യായിരം രൂപ നഷ്ടപ്പെട്ടു. മറ്റ് വിലപിടിപ്പുള്ളതൊന്നും നഷ്ടപ്പെട്ടിട്ടില്ല. വീടിന്റെ പിന്‍ഭാഗത്തെ വാതിലുകള്‍ തകര്‍ത്ത് അകത്ത് കടന്ന മോഷ്ടാവ് മേശയില്‍ സൂക്ഷിച്ചിരുന്ന പണം മോഷ്ടിക്കുകയായിരുന്നു.
കിടപ്പുമുറികളടക്കമുള്ള മുറികളിലെ അലമാരകള്‍ തുറന്ന് വസ്ത്രങ്ങള്‍ ഉള്‍പടെയുള്ള സാധനങ്ങള്‍ വാരിവലിച്ചിട്ടിട്ട് പരിശോധിച്ച നിലയിലാണ്. മകളുടെ വിവാഹ നിശ്ചയവുമായി ബന്ധപ്പെട്ട് ഡോക്ടര്‍ കുടുംബം മൂവാറ്റുപുഴയില്‍ പോയ സമയത്തായിരുന്നു മോഷണശ്രമം. വീട് നോക്കുവാന്‍ ഏല്‍പിച്ചിരുന്ന ഡ്രൈവര്‍ രാത്രി ഭക്ഷണം കഴിച്ച് എത്തിയപ്പോഴാണ് മോഷണശ്രമം ശ്രദ്ധയില്‍പ്പെട്ടത്. ഡോക്ടറുടെ പരിശോധന മുറി തുറന്നു കിടക്കുന്നത് കï ഡ്രൈവര്‍ അകത്ത് കയറി നോക്കുന്നതിനിടയില്‍ വീടിന്റെ സണ്‍ഷൈഡില്‍ ഒളിച്ചിരുന്ന മോഷ്ടാവ് ഓടി രക്ഷപ്പെടുകയായിരുന്നു. കളവുമായി ബന്ധപ്പെട്ട് ഡ്രൈവര്‍ പറമ്പിക്കുളങ്ങര സ്വദേശി ശ്യാംകുമാര്‍ കൊടുങ്ങല്ലൂര്‍ പൊലിസില്‍ പരാതി നല്‍കിയിട്ടുï്.