അബൂജ: അരയില്‍ കെട്ടിയ ബോംബ് പൊട്ടിക്കാന്‍ ശ്രമിച്ച് പരാജയപ്പെട്ട വനിതാ ചാവേറിനെ ജനക്കൂട്ടം മര്‍ദ്ദിച്ച് കൊന്നു. നൈജീരിയയിലെ തിരക്കേറിയ മാര്‍ക്കറ്റിലാണ് സംഭവം. ചാവേര്‍ സ്‌ഫോടനം നടത്താനായി എത്തിയ രണ്ട് പെണ്‍കുട്ടികളില്‍ ഒരാളെയാണ് നാട്ടുകാര്‍ മര്‍ദ്ദിച്ച് കൊന്നത്.

രണ്ടാമത്തെ പെണ്‍കുട്ടി നേരത്തെ മാര്‍ക്കറ്റിന് പുറത്ത് വെച്ച് പൊട്ടിത്തെറിക്കുകയും ഒരാള്‍ മരണപ്പെടുകയും ചെയ്തിരുന്നു. ചാവേറുകള്‍ ഭീകരസംഘടനയായ ബൊക്കോ ഹറാമില്‍ നിന്നുള്ളവരാണെന്നാണ് പ്രാഥമിക നിഗമനം.

കഴിഞ്ഞ ഏഴു വര്‍ഷമായി സായുധ ഗ്രൂപ്പിെന്റ നിയന്ത്രണത്തിലായിരുന്ന മെയ്ദുഗുരി അടുത്തിടെയാണ് സൈന്യം പിടിച്ചെടുത്തത്. നൈജീരിയയില്‍ ഏഴു വര്‍ഷത്തിനിടെ തീവ്രവാദികളുമായ ഏറ്റുമുട്ടലില്‍ 20 ലക്ഷത്തോളം ആളുകള്‍ പലായനം ചെയ്യുകയും 15,000 ആളുകള്‍ കൊല്ലപ്പെടുകയും ചെയ്തിട്ടുണ്ട്.