ശ്രീകണ്ഠപുരം: റേഷന്‍കടകള്‍ വഴി കാര്‍ഡുടമകള്‍ക്കു കിട്ടേണ്ട റേഷന്‍ മണ്ണെണ്ണ മൊത്തവിതരണക്കാരില്‍ നിന്നു റോഡ് കോണ്‍ട്രാക്ടര്‍ക്കു ബാരലുകളായി ലഭിച്ചത് എങ്ങനെയെന്ന് വിജിലന്‍സ് പരിശോധിക്കും. കഴിഞ്ഞദിവസം പെരുവളത്തുപറമ്പ് തട്ടുപറമ്പില്‍ പി.ഡബ്ല്യു.ഡി കോണ്‍ട്രാക്ടര്‍ സി.പി ജലീലിന്റ വീട്ടില്‍ നിന്നാണു 15 ബാരല്‍ മണ്ണെണ്ണ പിടികൂടിയത്. ഡി.വൈ.എസ്.പി എ.വി പ്രദീപിനു ലഭിച്ച രഹസ്യവിവരത്തെ തുടര്‍ന്നാണു മണ്ണെണ്ണ ബാരല്‍ കണ്ടെത്തിയത്. ഇവ തളിപ്പറമ്പ് സപ്ലൈ ഓഫിസ് അധികൃതര്‍ക്കു കൈമാറി.