വടക്കാഞ്ചേരി: കോണ്‍ഗ്രസും, യൂത്ത് കോണ്‍ഗ്രസും തമ്മില്‍ നടന്ന വടംവലിയില്‍ ഒടുവില്‍ കോണ്‍ഗ്രസിന് വിജയം.
ഡി.സി.സി പ്രസിഡന്റ് ടി.എന്‍ പ്രതാപന്‍, സെക്രട്ടറി കെ.അജിത്കുമാര്‍, തൃശൂര്‍ കോര്‍പ്പറേഷന്‍ മുന്‍ മേയര്‍ കെ.രാധാകൃഷ്ണന്‍, ജിജോ കുരിയന്‍, ടി.യു ഉദയന്‍, എന്‍.ആര്‍ രാധാകൃഷ്ണന്‍ എന്നിവര്‍ ഉള്‍പ്പെടുന്ന ടീമും, യൂത്ത് കോണ്‍ഗ്രസ് മുണ്ടത്തിക്കോട് മണ്ഡലം കമ്മിറ്റി നേതൃത്വം നല്‍കിയ ടീമും തമ്മിലാണ് വാശിയേറിയ വടം വലി നടന്നത്.
ഏറെ നേരം ചെറുത്ത് നിന്ന യൂത്ത് കോണ്‍ഗ്രസുകാര്‍ ഒടുവില്‍ പ്രതാപന്റെ തന്ത്രങ്ങള്‍ക്ക് മുന്നില്‍ കീഴടങ്ങുകയായിരുന്നു. ജില്ലാ പഞ്ചായത്ത് മുന്‍ മെമ്പറും കെ.പി.സി.സി നിര്‍വാഹക സമിതി അംഗവുമായിരുന്ന പി.എസ് മോഹന്‍ദാസിന്റെ സ്മരണാര്‍ത്ഥം യൂത്ത് കോണ്‍ഗ്രസ് സംഘടിപ്പിച്ച അഖില കേരള വടംവലി മത്സരത്തിലാണ് രസകരമായ സംഭവങ്ങള്‍ അരങ്ങേറിയത്. ടി.എന്‍ പ്രതാപന്‍ ഉദ്ഘാടനം ചെയ്തു. കെ.അജിത് കുമാര്‍ അധ്യക്ഷനായി. ഇ.കെ ദിവാകരന്‍, തൃശൂര്‍ മുന്‍ മേയര്‍ കെ.രാധാകൃഷ്ണന്‍, ടി.യു ഉദയന്‍, ജിജോ കുരിയന്‍, അഭിലാഷ് പ്രഭാകര്‍ എന്നിവര്‍ പ്രസംഗിച്ചു.