മുംബൈ: നഗരത്തില്‍ 28 കാരിയെ കുത്തി പരുക്കേല്‍പ്പിച്ചു. മുംബൈയിലെ മഹാലക്ഷ്മി റേയ്‌സ് കോഴ്‌സിനു സമീപത്തു വെച്ചായിരുന്നു സംഭവം. യുവതിയെ ആശുപത്രിയില്‍ പ്രവേശിപ്പിച്ചു.

സുഹൃത്തിനെ കാത്തു നില്‍ക്കുകയായിരുന്ന യുവതിയെ അക്രമി പിന്നില്‍ നിന്നെത്തി ആക്രമിക്കുകയായിരുന്നു. മൂര്‍ച്ചയുള്ള ആയുധമുപയോഗിച്ചായിരുന്നു ആക്രമണം.

രക്തത്തില്‍ കുളിച്ച് വീണുകിടന്ന യുവതിയെ സുഹൃത്താണ് ആശുപത്രിയിലെത്തിച്ചത്. കൊലപാതക ശ്രമത്തിന് പൊലിസ് കേസെടുത്തിട്ടുണ്ട്. അക്രമിക്കായി അന്വേഷണം ഊര്‍ജിതമാക്കി.