ഗൂഡല്ലൂര്‍: ഊട്ടി ബോട്ടാണിക്കല്‍ ഗാര്‍ഡനില്‍ പൂക്കള്‍ നട്ടുപിടിപ്പിക്കാന്‍ തുടങ്ങി. 2017 മെയ് മാസത്തില്‍ നടക്കാനിരിക്കുന്ന 121ാമത് പുഷ്പമേളയുടെ ഭാഗമായാണ് പൂക്കള്‍ നട്ടുപിടിപ്പിക്കാന്‍ തുടങ്ങിയത്. അഞ്ച് ലക്ഷം തൈകളാണ് മൊത്തം നട്ടുപിടിപ്പിക്കുന്നത്. അമേരിക്ക, ജപ്പാന്‍, ജര്‍മനി, നെതര്‍ലാന്‍ഡ് തുടങ്ങിയ വിദേശ രാജ്യങ്ങളില്‍ നിന്നുള്ള മേരി ഗോള്‍ഡ്, ഫ്രഞ്ച് മേരി ഗോള്‍ഡ്, ഡോള്‍ഫിന, സണ്‍ഫഌവര്‍ തുടങ്ങിയ വിവിധ വര്‍ണങ്ങളിലുള്ള പൂക്കളുടെ വന്‍ ശേഖരമാണ് സഞ്ചാരികള്‍ക്കായി ഇവിടെ ഒരുക്കുന്നത്. ജില്ലാ കലക്ടര്‍ പി ശങ്കര്‍ ഉദ്ഘാടനം ചെയ്തു. കൃഷിവകുപ്പ് ഓഫിസര്‍മാരായ മണി, ശിബിലാമേരി തുടങ്ങിയവര്‍ സംബന്ധിച്ചു.